Qyzylorda oblysynda iri esirtki alqaby anyqtaldy
Qyzylorda oblysynyń polıtsııa qyzmetkerleri 13 maýsymda «Qarasora-2022» jedel- profılaktıkalyq is-sharasyn ótkizdi. Іs-shara barysynda Jalaǵash aýdany, Aqqyr aýylynan 9 shaqyrym qashyqtyqtaǵy «Qyzyl shuqyr» ýchaskesindegi qalyń sheńgel arasynan iri esirtki alqaby anyqtaldy. Onda oblys turǵyny zańmen tyıym salynǵan sora ósimdigin iri mólsherde egip, kútip-baptap ósirgen.
«Tekserý barysynda jalpy sany 1149 túp sora ósimdigi anyqtaldy. Oqıǵa ornynda olar órteý jolymen joıyldy. Kúdikti Jalaǵash aýdandyq polıtsııa bóliminiń ýaqytsha ustaý ızolıatoryna oqshaýlandyryldy.
Atalǵan derek boıynsha QR Qylmystyq kodeksiniń 300 - baby 2 - bóliginiń 3 - tarmaǵymen sotqa deıingi tergep-tekserý áreketteri júrgizilýde.
Onda iri mólsherde quramynda esirtki zattar bar, ósirýge tyıym salynǵan ósimdikterdi zańsyz egip-ósirý jaǵdaıy kórsetilgen», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada bas ımamǵa kedergi jasaǵan adamǵaaıyppul salyndy.