Qyzylorda oblysynda elektr enerııasyna shekteý qoıyldy

QYZYLORDA. QazAqparat - Qyzylorda oblysynda elektr enegrııasyna shekteý qoıyldy, dep habarlaıdy QazAqparat tilshisi.

Oblysta sońǵy kúnderde elektrmen qamtý júıesinde arnaýly shekteý qoıylýda. Negizgi sebebi - elektr energııasynyń tapshylyǵy. Osy sebepti óńirdegi birneshe eldi mekende 17:30-dan 20:30-ǵa deıin elektr energııasy ýaqytsha shekteledi.

«Oblystyń jalpy elektr energııasyn tutyný kólemi shamamen 172 MV quraıdy. Onyń 29 paıyzyn «Qyzylorda jylý elektr ortalyǵy» mekemesi qamtysa, 6 paıyzyn «SKZ-U» JShS-de óndiriledi. Qalǵan 65 paıyzy syrttan alynady. Elektr energııasymen qamtamasyz etetin «Samuryk-Energo» aktsıonerlik qoǵamyna qarasty Ekibastuz GRES-1, GRES-2 jáne Moınaq GES elektr stantsııalarynyń elektr energııasyn óndirý kóleminiń shamadan tys júktelýine baılanysty shekteýler qoıyldy», - dedi oblystyq energetıka jáne turǵyn úı-kommýnaldyq sharýashylyq basqarmasynyń basshysy Erlan Jańabaev.

Shekteýdiń negizgi sebebi – elimiz boıynsha elektr qýaty jetispeýde. Óıtkeni, Moınaq sý elektr stantsııasynda aqaýlar paıda bolǵan.

Bul ýaqytsha ekenin aıtqym keledi. Qazir ońtústik óńirler boıynsha orta eseppen 200 MV shamasynda jetispeıdi. Shekteýler Aral, Qazaly, Qarmaqshy, Jalaǵash Syrdarııa, Shıeli aýdandary men Qyzylorda qalasy boıynsha birqatar eldi mekenderde júrgizilýde «, - dedi «Qyzylorda elektr taratý toraptary» kompanııasy AQ basqarma tóraǵasy Muhıdjan Kárimbaev.

Eske salsaq, budan buryn Shıeli aýdanynda elektr irkilisi oryn alǵanyn habarlaǵan edik.