Qyzylorda oblysynda dárigerlerge «Densaýlyq sebeti» tabystaldy

QYZYLORDA. QazAqparat - Qyzylorda oblysynda «Jas Otan» jastar qanatynyń uıymdastyrýymen «Dárigerlerge myń alǵys» aktsııasy ótkizilip jatyr, dep habarlaıdy QazAqparat tilshisi.

Búgin atalmysh shara Jańaqorǵan aýdanynda jalǵasty. «Jas Otan» jastar qanaty aýdandyq fılıalynyń eriktileri koronavırýspen kúresip júrgen medıtsına qyzmetkerlerine arnaı̆y ázirlengen «Densaýlyq sebetin» tabystady.

«Aktsııanyń maqsaty – pandemııa kezinde óz ómirin qaterge tigip, búgingi qoǵamnyń batyrlaryna aınalǵan medıtsına qyzmetkerlerine jastar atynan alǵys bildirý. Sebetke densaýlyqqa paıdaly dárýmender toltyrylǵan. Bul sharaǵa 10-nan astam erikti jumyldyryldy. Aktsııa «Avto-lıder» kompanııasynyń jetekshisi, kásipker Nurbolat Ibraevtyń qoldaýymen júzege asty. Búgingi kúnge deıin mundaı shara Qazaly aýdanynda ótkizildi. Erteń oblys ortalyǵy - Qyzylorda qalasynda jalǵasyn tabady», - dedi «Jas Otan» jastar qanatynyń ókili Álisher Kardashov.

Eske sala ketsek, dál osyndaı shara Atyraý oblysynda da ótkizildi.