Qyzylorda oblysynda bıznesti damytýǵa qulyqsyz ákimder sógis aldy

QYZYLORDA. QazAqparat - Qyzylorda oblysy ákimdiginde kásipkerlikti jappaı damytý boıynsha 9 aıda atqarylǵan jumystar qorytyndylandy. Onda salany damytýǵa jete mán bermeı otyrǵan aýyl ákimderine sógis pen eskertý berilip, ekinshi deńgeıli bankterge nesıe portfelin ulǵaıtý júkteldi, dep habarlaıdy QazAqparat.

Aımaq basshysynyń baspasóz qyzmetinen málim etkendeı, bıylǵy 1 qazandaǵy jaǵdaı boıynsha, oblysta shaǵyn jáne orta bıznes sýbektileriniń sany 41 393-ti  qurady.  Sońǵy jyly olardyń sany 11 paıyzǵa asqan. Bul ShOB ósý qarqyny boıynsha respýblıkadaǵy eń jaqsy nátıje.

Otyrysqa aýyldyq okrýgter men aýdandar ákimderi, kýratorlar - aýyldyq jerlerdegi kásipkerlikti damytýǵa jaýapty aımaqtyq departamentter men ınspektsııalardyń, basqarmalar men óńirlik qarjy ınstıtýttarynyń basshylary qatysty.

 «Jyldyń basynda jumyssyzdar men ózin-ózi nátıjesiz jumyspen qamtyǵandar sany 97,5 myń bolsa, búgingi kúni olardyń  qatary 35,8 myń adamdy quraıdy. ıAǵnı 62 myńǵa jýyq adam jumyspen qamtylǵan jáne resmı túrde tirkelgen. Onyń ishinde 14 myńnan astam adam jappaı kásipkerlikti qoldaý sharalary aıasynda jumys isteýde», - dedi aımaq basshysy Qyrymbek Kósherbaev.

Memleket basshysynyń bastamasy boıynsha, «Bıznestiń jol kartasy-2020» baǵdarlamasy taǵy 5 jylǵa uzartylǵanyn atap ótken oblys ákimi, aýyldyq okrýgterdegi kásipkerlikti damytýǵa jaýapty tulǵalarǵa aýyl ákimderimen birlesip, naqty jobalardyń iske qosylýyna baqylaý jasaýdy tapsyrdy.

Aýdan, aýyldyq okrýg ákimderi men kýratorlar kásipkerlik sýbektilerin ashý boıynsha júrgizilgen jumystar jaıly esep berdi. Mysaly, jyl basynan beri Syrdarııa aýdanynda - 2167, Qyzylordada  26099 shaǵyn jáne orta bıznes sýbektisi tirkelgen. Aımaq basshysy Qyzylorda qalasy aýdandarǵa úlgi bolýy kerektigin naqtylap, jyl sońyna deıin memlekettik organdar basshylarynyń óz salasy boıynsha ShOB-ty damytý boıynsha jumystary tyńdalatynyn atap ótti. 

Májiliste sondaı-aq keıbir aýyldyq okrýgterdiń ákimderi men olardyń kýratorlaryna  sógis pen eskertýler berildi. Túıitkilder jyl sońyna deıin sheshilmegen jaǵdaıda jumystarynan bosatylatyny da eskertildi.

«Memleket barlyq jaǵdaıdy jasaýda: qarajat bólindi, baǵdarlamalar ázirlendi. Sizderden tek osy jumystardy óńirimizde  uıymdastyrýǵa degen nıet qajet. Biz oblys turǵyndarynyń ál-aýqatyna jaýaptymyz, jaýapkershilikti alyp, nátıjeli jumys isteýge tıispiz. Jyl sońynda  árqaısylaryńyzdyń esepterińiz tyńdalyp, jergilikti kásipkerlikti damytýǵa qosqan úlesterińiz qarastyrylatyn bolady», - dedi Q. Kósherbaev.

Sonymen qatar, aımaq basshysy ekinshi deńgeıli bankterdiń basshylaryna nesıe portfelin ulǵaıtýdy tapsyrdy.

«Eger bankterdiń fılıaldary jumys istemese, aımaqtaǵy ShOB-tyń damýyna úles qospasa, onda qyzmetin durys atqarmaıtyn jergilikti fılıal dırektorlaryn jumystan bosatýǵa  nemese fılıaldy múldem jabýǵa qatysty basshylarynan talap etýge  týra keledi», - dedi oblys ákimi.