Qyzylorda oblysynda bıyl 7059 mln. teńgeniń turǵyn úıleri salyndy

QYZYLORDA. 29 jeltoqsan. QazAqparat /Jańagúl Serdaly/ - Qyzylorda oblysynda bıylǵy jylǵy qańtar-qarasha aılarynda turǵyn úı qurylysyna 7059 mln.teńge jumsaldy. Oblystyq statıstıka departamenti usynǵan bul derekke sáıkes, byltyrǵy jylǵa qaraǵanda ósim 28,7 paıyzdy qurap otyr.

Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajattyń úlesi 3,2 paıyz boldy. Paıdalanýǵa berilgen turǵyn úıdiń jalpy alańy 215039 sharshy metrge teń. Salynǵan turǵyn úılerdiń naqty kólem ındeksi ótken jylǵy qańtar-qarashasynda 112,4 paıyzdy qurady.

Turǵyn úı qurylysynyń negizgi qarjylandyrý kózderi úles salmaǵy 82,4-dy quraıtyn salýshylardyń menshikti qarajaty boldy. Paıdalanýǵa berilgen turǵyn úıler kóleminiń artýy oblystyń barlyq aýdanynda oryn aldy. Ótken jylǵy tıisti kezeńimen salystyrǵanda edáýir ósýi Qarmaqshy (2,4 esege), Shıeli (1,5 esege) jáne Syrdarııa aýdandarynda (1,2 esege) baıqaldy. Paıdalanýǵa berilgen turǵyn úılerdiń jalpy alańynyń edáýir úlesi Qyzylorda qalasyna (61,8%) tıesili.