Qyzylorda oblysynda bıyl 1 303 adamdy kene shaqqan

Qyzylorda oblysynda jyl basynan beri 1303 adam kene shaǵyp, medıtsınalyq kómekke júgingen, dep habarlaıdy QazAqparat tilshisi.

Bıyl oblys boıynsha asa qaýipti Kongo-Qyrym gemorragııalyq qyzbasyna 46 kúdikti jaǵdaı tirkelgen. Olardyń 12-si klınıkalyq-zerthanalyq jáne epıdemıologııalyq jolmen naqtylandy.

Qaýipti keselge Qarmaqshy, Syrdarııa aýdandary men Qyzylorda qalasynda 1 adam shaldyqsa, Janaqorǵanda – 6 jáne Shıelide 3 jaǵdaı tirkelgen. Naýqastarmen qarym-qatynasta bolǵandardyń barlyǵy 14 kúnge medıtsınalyq baqylaýda boldy.

«Jyl basynan turǵyndar arasynda 1 303 adam kene shaqqannan soń medıtsınalyq kómekke júginip, 14 kún boıy medıtsınalyq baqylaýda boldy. Kóktemgi, kúzgi epıdemıologııalyq maýsymda arnaıy zoologııalyq-parazıologııalyq top qurylady. Olar kenelerdiń taralýy, damýy, túrlik quramy, juqpalylyǵy, ıaǵnı jalpy epızootologııalyq jaǵdaıǵa zertteý jumystaryn júrgizedi. Bıyl «Ulttyq saraptama ortalyǵy» oblystyq fılıalynyń zerthanasynda 2570 kene synamasy zertteldi», - dep málim etti Qyzylorda oblysy sanıtarlyq-epıdemıologııalyq baqylaý departamenti epıdemıologııalyq baqylaý departamentinen.