Qyzylorda oblysynda birqatar shekteýler engiziledi
Búgin Qyzylorda oblysynyń Bas memlekettik sanıtarlyq dárigeriniń №29 Qaýlysy shyqty. Qaýlyǵa sáıkes, bıylǵy jyldyń 26 jeltoqsany men 2021 jyldyń 5 qańtaryna deıin birqatar shekteýler engizildi.
«Endi qoǵamdyq tamaqtaný, oıyn-saýyq, kásiporyndarda, mekemeler men keńselerde ujymmen uıymdastyrylatyn Jańa jyldyq is-sharalardy, kópshilik jınalatyn oryndarda onyń ishinde jabyq úı-jaılarda, jańajyldyq teatrlandyrylǵan kópshilik qoıylymdardy, anımatorlar men qýyrshaqtar qyzmetine, shoý-baǵdarlamalardy, kontsertterdi jáne buqaralyq is-sharalardy ótkizýge tyıym salynady», - dep málim etti Qyzylorda oblysy sanıtarlyq-epıdemıologııalyq baqylaý departamentiniń baspasóz hatshysy Aıman Janahaeva.
Sondaı-aq, memlekettik organdarǵa Jańa jyl merekesin ujymdyq toılaýdan bas tartý usynyldy.
«Bul karantın talabyn saqtaý úshin qabyldanǵan sheshim. Karantın talaptaryn saqtamaǵan memlekettik qyzmetshiler jaýapqa tartylatyndyǵyn eskertti», dep málim etti Qyzylorda oblystyq memlekettik qyzmet isteri departamenti basshysynyń orynbasary Berikbol Baıhojaev.
Eske sala ketelik, koronavırýspen kúreste Qyzylordada dári-dármek qory jetkilikti.