Qyzylorda oblysynda bir jasar sábı septıkke qulap kóz jumdy
00:30, 27 Naýryz 2023
QYZYLORDA. QazAqparat - Qyzylorda oblysynda esik aldyndaǵy septıkke qulaǵan bir jastaǵy sábı kóz jumdy, dep habarlaıdy QazAqparat tilshisi.
Qyzylorda oblysy Tótenshe jaǵdaılar departamentine 26 naýryzda saǵat 12.55- te habarlama túsken.
«Onda Syrdarııa aýdany Tereńózek kentindegi jeke turǵyn úıde 2022 jyly dúnıege kelgen sábı septıkke qulap, kóz jumǵany aıtylǵan. Sábı eresekterdiń qaraýynsyz qalǵan. Onyń máıitin týystary óz kúshimen syrtqa shyǵardy», - dedi oblystyq TJD baspasóz qyzmetiniń jetekshisi Aıgúl Nurmanova.
Eske salsaq, budan buryn Qyzylorda oblysynda 2 jasar sábı qudyqqa qulap, kóz jumdy.