Qyzylorda oblysynda 72 shaqyrym aýyz sý júıesi jańǵyrtylady
Bıyl osy maqsattaǵy 14 jobaǵa 3 mlrd. teńge bólindi. Onyń ishinde, sýmen qamtý boıynsha 8 joba qaralǵan. Sondaı-aq, Qyzylorda qalasynyń káriz júıeleri boıynsha jáne Jańaqorǵan aýdanyn sýmen qamtý boıynsha 1 joba júzege asyp jatyr.
Atalǵan jobalar aıaqtalǵan kezde 72 shaqyrym aýyz sý júıesi, 4,5 shaqyrym káriz júıesi jańǵyrtylatyn bolady.
«Bıyl «2020 jylǵa deıin Óńirlerdi damytý» baǵdarlamasy boıynsha respýblıkalyq jáne oblystyq bıýdjetten 3 jobanyń (Syrdarııa aýdany Qaljan ahýn eldi mekeni, Jalaǵash aýdany Shámenov jáne Myrzabaı ahýn eldi mekenderi) qurylysyn aıaqtaý úshin 527 mln. teńge bólindi. 16,7 shaqyrym aýyz sý júıesi qaıta jańǵyrtyldy.
Qosymsha respýblıkalyq jáne oblystyq bıýdjetten jańa 16 qurylys jobasyna 2,1 mlrd. teńge bólindi. Qazirgi tańda memlekettik satyp alý jumystary júrgizilýde», - dedi oblys ákiminiń orynbasary Serik Súleımenov.
Bıyl oblystyq bıýdjetten Qyzylorda qalasy tusyndaǵy Syrdarııa ózeniniń sol jaq jaǵalaýyn sýmen qamtý jáne sýdy burý jobasynyń qurylys jumysyn jalǵastyrý úshin 350 mln teńge bólindi. Qarjy tolyǵymen ıgerildi, 12,3 shaqyrym aýyz sý júıesi júrgizildi.