Qyzylorda oblysynda 7 jastaǵy qyz bala bir kúnnen beri tabylmaı jatyr
Qarmaqshy aýdandyq Polıtsııa bóliminine 2016 jyly dúnıege kelgen Jibek Dáýrenbekqyzynyń joǵalǵany týraly habarlama kelip túsken.
Ol 6 tamyzda saǵat 18:30 shamasynda úıden shyǵyp, qaıta oralmaǵan. Qarmaqshy aýdandyq Polıtsııa bóliminiń barlyq jeke quramy ony izdeýge jumyldyryldy.
«Jibek Turmaǵanbet aýylynyń №29 mekteptiń 2 synybynda oqıdy. Boıy 135-140 sm, aryq deneli, shashy sarǵyshtaý, kózderi qysyńqy kelgen. Qyzdy izdeý polıtsııa departamenti basshylyǵynyń erekshe baqylaýynda. Joǵalǵan qyzdyń qaıda ekeni týraly aqparat biletinder bolsa, 102 telefony arqyly polıtsııaǵa habarlasýdy suraımyz», - dep málim etti Qarmaqshy aýdandyq polıtsııa bóliminen.
Eske salsaq, budan buryn Qyzylorda oblysynda 20 jastaǵy malshy birneshe kúnnen beri habarsyz ketti.