Qyzylorda oblysynda 67 myńnan astam bala Pfizer vaktsınasyn saldyrdy

QYZYLORDA. QazAqparat - Qyzylorda oblysynda 76 myńnan astam adam Pfizer vaktsınasyn saldyrdy, dep habarlaıdy QazAqparat tilshisi.

Qazirge deıin óńirde barlyǵy 76 100 adam Pfizer vaktsınasynyń birinshi komponentimen egildi.

Onyń ishinde 67 408-i - jasóspirimder. Al júkti áıelder arasynda 2 640 adam birinshi komponentti saldyrdy.

Laktatsııa kezeńindegi áıelder arasynda birinshi komponentti alǵandar - 6041 adam. Qalǵany - basqa toptaǵy turǵyndar.

«Aıta keterligi, óńirde Pfizer preparatymen revaktsınatsııa jasap jatqandar da bar. Qaýlylardaǵy sońǵy ózgeristerge sáıkes vaktsına medıtsına qyzmetkerleri, múgedek adamdar, 50 jáne odan joǵary jastaǵy egde adamdarǵa salynady», - dep málim etti Qyzylorda oblystyq Sanıtarııalyq-epıdemıologııalyq baqylaý departamentinen.

Eske salsaq, Qyzylorda oblysynda ekpe qabyldaýǵa qabiletti turǵyndardyń 94,2 paıyzy vaktsına saldyrdy.