Qyzylorda oblysynda 35 qart «tyl ardageri» mártebesin aldy
Soǵys jyldary tylda tynbaı eńbek etken turǵyndar birneshe jyldan beri ózderiniń zańdy quqyǵyn qorǵaı almaı kelgen. Olardyń jazǵan aryzyn Qarmaqshy aýdany ákimdigi janyndaǵy arnaıy komıssııa túrli sebeppen keri qaıtaryp otyrǵan. Ótinishteriniń qoldaý tappaǵany qarshadaıynan zulmat zardabyn tartyp, masaq terip, kanal qazǵan qarııalardyń kóńiline qaıaý túsirgeni ras. Jasy 80-ge taıaǵan tusta áýre-sarsańǵa túsip, amaly taýsylǵan olar aýdandyq prokýratýraǵa júginedi. Uly Otan soǵysy kezinde eń kemi jarty jyldaı jumys istegen azamattardyń eńbek ótilin belgileý zańdylyǵyn teksergen qadaǵalaýshy organ qyzmetkerleri máseleniń oń sheshilýine yqpal etti.
«2011 jyly aýdandyq qamsyzdandyrý bólimine aryz berdik. Ol qujattar túrli sebeptermen kádege aspady. Sizderge berilmeıdi dedi. 2015 jyly qaıtadan daıyndadyq. Aýdan ákiminiń orynbasarlary qarap, komıssııa taǵy bolmaıdy dedi. Sodan keıin baryp biz aýdandyq prokýratýraǵa aryzdandyq. Sonymen bizge 2016 shildesinen bastap tyl ardageriniń aqshasyn, ataqty da berdi",- deıdi tyl ardageri Segizbaı Qanbaev.
Qarmaqshy aýdanynyń prokýrory Baqytjan Myrzabaevtyń aıtýynsha, 35 ardagerge tylda jumys istegeni jóninde jumys ótili belgilenip, olardyń quqyqtary qorǵalǵan. Qazirgi tańda atalǵan tyl ardagerleriniń árqaısysyna aı saıyn 4 500 teńge kóleminde arnaýly memlekettik járdemaqy tólenýde.