Qyzylorda oblysynda 300 myńynshy turǵyn koronavırýsqa qarsy vaktsına aldy
Óńirde koronavırýsqa qarsy vaktsına saldyrý 1 aqpannan bastaldy. Sol kúnnen bastap 27 qyrkúıek aralyǵynda oblysta vaktsınanyń birinshi komponentimen egilgender sany – 301 959 adamǵa jetti. Bul ekpe qabyldaýǵa qabiletti halyqtyń 75,3 paıyzyn qurady. Al ekinshi komponentpen 252 722 (63 paıyz) adam qamtyldy.
Qyzylorda qalasyna qarasty Tasbóget kentiniń 24 jastaǵy turǵyny Perızat Quljanova oblysta koronavırýsqa qarsy ekpe saldyrǵan 300 myńynshy adam bolyp tirkeldi. Ol úıde balamen otyrǵan ana, sondyqtan №4 qalalyq emhananyń medıtsına qyzmetkerleri oǵan ekpeni úıine baryp saldy. Perızat 30 mınýt dárigerler baqylaýynda boldy. Onda ekpege eshbir keri áser baıqalmady.
«Aldaǵy ýaqytta oblys turǵyndaryn koronavırýs ınfektsııasyna qarsy vaktsınalaý qarqynyn arttyrý jumystary jalǵasyn tabady.
Qazirgi tańda Qyzylorda oblysy boıynsha 20 medıtsınalyq mekemede (sonyń ishinde qala boıynsha 11, aýdan boıynsha 9 medıtsınalyq mekeme) koronavırýs ınfektsııasyna qarsy egý jumystary saǵat 8.00 men 18.00 aralyǵynda úzilissiz qarqyndy júrgizilýde», - dedi oblystyq Densaýlyq saqtaý basqarmasy basshysynyń orynbasary Jangeldi Shaıymbetov.
Budan buryn Qyzylorda oblysynda turǵyndardyń 73 paıyzy koronavırýsqa qarsy vaktsına saldyrǵanyn jazdyq.