Qyzylorda oblysynda 23 muǵalim koronavırýs juqtyrdy
Oblysta dástúrli oqý júıesi bastalǵannan beri 193 oqýshydan qaterli indet anyqtaldy. Olardyń basym bóligi qala mektepterinen tabylǵan.
«Búgingi kúni 157 synyp 14 kúnge karantınge jiberildi. Sondaı-aq dástúrli oqý júıesindegi mektep muǵalimderi arasynda koronavırýs juqtyrýdyń 23 deregi tirkeldi. Baılanysta bolǵandar anyqtalyp, epıdemııaǵa qarsy tıisti sharalar qabyldandy. Búginde aımaqta aýrýshańdyqtyń táýliktik kórsetkishi tómendeý tendentsııasy bar. Degenmen saqtyq sharalaryn oryndaý álsiremeýi tıis. Ásirese adam kóp jınalatyn oryndarda betperde rejımi men áleýmettik ara qashyqtyq saqtaýdy usynamyz. Oblys boıynsha vaktsınalaý qarqyny da jaman emes. Degenmen vırýstyń túrli shtamdaryna tótep berý úshin belsendilikti áli de arttyrý qajet», - dedi oblystyq sanıtarlyq-epıdemıologııalyq baqylaý departamentiniń basshysy Dınara Jańabergenova.
Vedomstvo málimetinshe, oblysta karantın talaptarynyń saqtalýyn qadaǵalaý boıynsha monıtorıng júrgizý jalǵasýda. Jyl basynan beri reıdtik tekserý barysynda 14 525 nysan qamtyldy. Nátıjesinde 793 nysanan karantın talaptaryn buzý deregi anyqtaldy.
Aıta ketsek, buǵan deıin Qyzylordada 126 oqý synyby 14 kúnge karantınge jiberildi.