Qyzylorda oblysynda 200-den astam eldimeken keń jolaqty ınternetpen qamtylǵan
Bul maqsatta «Qazaqstan Respýblıkasynyń Aýyldyq eldi mekenderiniń memlekettik organdaryn keń jolaqty ınternetke qoljetimdiligin qamtamasyz etý» Jol kartasy negizge alynyp otyr.
Jol kartasy aıasynda memlekettik-jekemenshik áriptestik negizinde aýyldyq eldi mekenderge talshyqty-optıkalyq baılanys jelisi atartyldy.
Onyń ishinde 72 mektep, 64 ákimdik, 69 feldsherlik-ambýlatorııalyq pýnkt ǵalamtor baılanysymen qamtamasyz etilgen.
Búgingi tańda 230 aýyldyq eldi mekenniń 201-i, nemese 87% keń jolaqty ınternetpen qamtylǵan.
«Qaýipsiz mektep» jobasy boıynsha 2020 jyly qala men aýdandardyń 63 mektebinde beınebaqylaý kameralaryn ornatý boıynsha jumystyń alǵashqy kezeńi aıaqtaldy.
Oǵan Qyzylorda oblysy Polıtsııa departamentiniń jedel basqarý ortalyǵymen ıntegratsııa júrgizildi.
Sondaı-aq, 2021 jylǵa (II kezeń) qalanyń 35 mektebin beınebaqylaý kameralarymen qamtamasyz etý úshin qarajat bólindi.
Shuǵyl qyzmetterdi biryńǵaı dıspetcherlik qyzmetke biriktirý esebinen 112 shaqyrýlardy tirkeý jáne brıgadalarǵa berý ýaqyty 28% qysqartyldy.
Jaýap berý ýaqyty 102 qyzmeti boıynsha 5 mınýtqa deıin, 103-te 15-ten 10 mınýtqa deıin qysqardy, shaqyrýlarǵa qyzmet kórsetýdi baqylaý tıimdiligi 20% artty, jalǵan shaqyrýlar sany 40% azaıdy.
109 biryńǵaı baılanys ortalyǵyn qurý ótinishterdi tirkeý ýaqytyn jáne jaýapty kommýnaldyq qyzmetterdiń keri baılanysyn qysqartty.
Turǵynǵa ondaǵan kommýnaldyq nómirlerdiń ornyna atalǵan nómirdi bilý jetkilikti.
Sondaı-aq, qalalyq kommýnaldyq qyzmetterdiń sapasy da aıtarlyqtaı jaqsardy.