Qyzylorda oblysynda 190 myńǵa jýyq adam revaktsınatsııadan ótti

QYZYLORDA. QazAqparat - Qyzylorda oblysynda 190 myńǵa jýyq adam revaktsınatsııadan ótti, dep habarlaıdy QazAqparat tilshisi.

Sanıtarııalyq-epıdemıologııalyq baqylaý departamentiniń málimetinshe, oblys revaktsınatsııalaý qarqyny boıynsha aldyńǵy óńirler qatarynda. Ótken jyldyń 22 qarashasynan bastalǵan revaktsınatsııadan 189 868 turǵyn ótken. Vaktsınanyń 2 komponentimen qamtylyp, 6 aı aralyq merzim ótkenderine býsterlik dozany egý usynyldy.

Oblys boıynsha 22 medıtsına mekemesinde koronavırýsqa qarsy egý jumystary júrgiziledi. Olardyń 13-i qalada, 9-y aýdandarda qyzmet kórsetedi. Óńirde ekpe qory jetkilikti.

Eske salsaq, Qyzylorda oblysynda modýldy ınfektsııalyq statsıonar jabylǵan bolatyn.