Qyzylorda oblysynda 185 myńnan astam adam revaktsınatsııadan ótti
Ótken jyldyń 22 qarashasynan bastap vaktsınanyń 2 komponentimen qamtylyp, 6 aı aralyq merzim ótken azamattarǵa býsterlik dozany egý usynyldy.
«Oblys boıynsha revaktsınalaý qarqyny jaman emes. Elimiz boıynsha aldyńǵy qatarda keledi. Ótken jyldyń 22 qarashasynan bastalǵan revaktsınatsııadan 185 664 (74,5 paıyz) turǵyn ótip, vırýsqa qarsy ımmýnıtetin kúsheıtti», - dep málim etti oblystyq sanıtarııalyq-epıdemıologııalyq baqylaý departamenti.
Vedomstvonyń málimetinshe, óńirdegi barlyq ekpe kabınetinde revaktsınatsııa, vaktsınatsııa jasaýǵa ekpe qory jetkilikti. Qyzylorda oblysy boıynsha 22 medıtsına mekemesinde koronavırýs ınfektsııasyna qarsy egý jumystary júrgizilýde. Olardyń 13-i qalada ornalassa, 9-y aýdandarda qyzmet kórsetedi.
Eske salsaq, Qyzylorda oblysynda tumaý juqtyrǵandar sany artty.
https://lenta.inform.kz/kz/kyzylorda-oblysynda-tumau-zhuktyrgandar-sany-artty_a3914796