Qyzylorda oblysynda 16 toıhana bıznesin basqa baǵytqa aýystyrdy
Óńirde toıhana bıznesin ózge salaǵa qaıta baǵyttaý jumystary júrýde.
Nátıjesinde buryn toıhana qyzmetin atqarǵan 16 oryn endi nan ónimderin shyǵarý, qoǵamdyq tamaqtandyrý, tigin sheberhanasy, sport kesheni, qurylys zattaryn satatyn dúken jáne taǵy basqa kásiporyndar qyzmetin tańdady.
Pandemııamen kúres aıasynda búginde halyqtyń basym bóligimen jumys isteıtin shaǵyn jáne orta kásipkerliktiń 142 iri sýbektisi (510-nyń 28%-y) «Ashyq» qosymshasyn paıdalanady. Negizinen, bul qoǵamdyq tamaqtaný obektileri, basseınder, fıtnes zaldar, spa-ortalyqtar jáne kompıýterlik klýbtar.
«Qyzmetkerlerdiń qaýipsizdigin qamtamasyz etý jáne COVID-19-dyń taralýyn barynsha azaıtý úshin «Ashyq» mobıldik qosymshasyn kez kelgen joǵary oqý orny, bankter, ónerkásiptik kásiporyndar, jeke medıtsınalyq ortalyqtar jáne basqalary erikti qatysýshy retinde osy jobamen óz jumysyn júzege asyra alady», - dedi oblystyq Kásipkerler palatasy dırektorynyń orynbasary Pirmuhammed Syzdyqov.