Qyzylorda oblysynda 154 myńnan astam adam revaktsınalandy
Ótken jyldyń 22 qarashasynan bastap vaktsınanyń 2 komponentimen qamtylyp, 6 aı aralyq merzim ótken azamattarǵa býsterlik dozany egý qolǵa alyndy. Bul boıynsha koronavırýspen aýyrǵan adamdarǵa da atalǵan merzim bekitilgen.
«Oblys boıynsha revaktsınalaý qarqyny jaman emes. Elimiz boıynsha aldyńǵy qatarda keledi. Ótken jyldyń 22 qarashasynan bastalǵan revaktsınatsııadan 154 637 turǵyn ótip, vırýsqa qarsy ımmýnıtetin kúsheıtti», - dep málim etti oblystyq Sanıtarııalyq-epıdemıologııalyq baqylaý departamentinen.
Vedomstvo málimetinshe, oblystaǵy barlyq ekpe kabınetinde revaktsınatsııa, vaktsınatsııa jasaýǵa ekpe qory jetkilikti. Qyzylorda oblysy boıynsha 22 medıtsınalyq mekemede koronavırýs ınfektsııasyna qarsy egý jumystary júrgizilýde. Olardyń 13-i qalada ornalassa, 9-y aýdandarda qyzmet kórsetedi.
Eske salsaq, 3-7 naýryz aralyǵynda Qyzylordada tórt kún boıy koronavırýs juqtyrý deregi tirkelgen joq.
Al 8 naýryz kúngi kórsetkish boıynsha 1 adamnan koronavırýs anyqtaldy.