Qyzylorda oblysynda 13 adamnan delta shtamy tabyldy

QYZYLORDA. QazAqparat - Qyzylorda oblysynda respýblıkaǵa joldanǵan 22 synamanyń 13-inen delta shtamy anyqtaldy. Ol joldanǵan synamanyń 59 paıyzyn quraıdy, dep habarlaıdy QazAqparat tilshisi.

«Óńirde jaǵdaı kúrdelenip otyr. Ótken demalys kúnderi respýblıka kóleminde delta shtamy tasymaldanǵany jaıly anyqtalǵan. Sondyqtan barlyq oblystan synama analızder alynǵan bolatyn. Naqty aqparat boıynsha elimizdiń barlyq aımaǵynda úndi shtamy tirkelgen. Onyń ishinde 22 synama jibergen Qyzylorda oblysynda da anyqtaldy», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Dúnıejúzilik densaýlyq saqtaý uıymdarynyń málimdemesinde ekpe egilgennen keıingi qalyptasatyn ımmýnıtet úndi shtamyna tótep bere alady.

Sondyqtan, eń basty úmitimiz egý sharalaryna basymdyq berilýi qajet.

Aıta ketý kerek, jyl basynan beri oblysta 7230 adamnan koronavırýsty ınfektsııa tirkelgen.

Sáýir aıynda 1540 naýqas tirkelip, ekinshi tolqyn kóterilip, basyldy.

Al, maýsym aıynyń 16-nan keıin bir kúnde 26 adam, sonan soń 49 jaǵdaı tirkelgen.

Búginde óńirde karantın sharalary kúsheıtildi.