Qyzylorda oblysynda 102 jastaǵy keıýana referendýmǵa ún qosty

QYZYLORDA. QazAqparat - Qyzylorda oblysynda 102 jastaǵy qarııa referendýmǵa qoldaý bildirip, daýys berdi, dep habarlaıdy QazAqparat tilshisi.

Qazaly aýdanynyń ortalyǵy - Áıteke bı kentinde turatyn 102 jastaǵy Іlııa Rysqulova daýys berdi.

Aýdan ortalyǵyndaǵy №91 ýchaskelik referendým komıssııasynyń músheleri 102 jastaǵy keıýananyń úıine referendým jáshigin jetkizdi.

Osylaısha qarııa óz tańdaýyn jasaýǵa múmkindik aldy.

Bıyl 102-ge tolǵan Іlııa ájeıdi Qazaly jurtshylyǵy jaqsy tanıdy.

Qos ǵasyrdyń kýágeri soǵys jyldarynda tylda tynbaı eńbek etti. Qarııa qazir urpaqtarynyń aldynda baqytty ómir súrip otyr.

Ǵasyr jasaǵan qarııa Beızeınep, Emagúlsim, Fatıma, Jańylǵan, Rahııa, Ibrakım esimdi ul-qyzdarynan shóbere men shópshek súıip otyr.