Qyzylorda oblysynda 1 myńǵa jýyq oqýshy tumaýǵa shaldyqty

QYZYLORDA. QazAqparat - Qyzylorda oblysynda oqýshylardyń 99 paıyzy dástúrli formatta bilim alýda, dep habarlaıdy QazAqparat tilshisi.

Óńirde oqýshylar arasynda koronavırýs ınfektsııasynyń taralý qaýpin tómendetý maqsatynda qajetti sharalar tizbegi qabyldandy. Degenmen, oblys kóleminde mektep oqýshylarynyń 0,16 paıyzy ınfektsııa juqtyrǵany rastaldy. Qazirgi tańda oqýshylardyń 99 paıyzy shtattyq rejımde bilim alýda.

«Qazir aýa raıynyń kúrt salqyndaýyna baılanysty oqýshylar arasynda tumaýmen aýyrǵandar sany kóptep tirkelýde. Búginde oblys kóleminde 924 oqýshy tumaýmen syrqattanǵan. Olardyń 70 -i emhanada, 854-i úı jaǵdaıynda em alyp jatyr. Balalardyń jaǵdaıy jaqsy, tıisti emdeý sharalary júrgizilýde», - dedi oblystyq Bilim basqarmasynyń basshysy Aqzıra Qasymova.

Eske salsaq, Qyzylorda oblysyna koronavırýsqa qarsy «Pfizer» vaktsınasynyń 17 myń dozasy jetkiziledi.