Qyzylorda oblysy joldarynda maldy qaǵyp ketýdiń 5 oqıǵasy boldy
Saldarynan 2 adam qaza bolyp, 11 adam ártúrli dene jaraqatyn alǵan.
«Jyl basynan beri aýyl sharýashylyǵy janýarlaryn jaıý qaǵıdalaryn buzýdyń 1312 deregi anyqtaldy. Ákimshilik quqyq buzýshylyq týraly kodekstiń 408-babyna sáıkes aıyppul salyndy. Onda aýyl sharýashylyǵy janýarlaryn jaıý qaǵıdalaryn, ıtter men mysyqtardy asyraý jáne serýendetý qaǵıdalaryn, qańǵybas ıtter men mysyqtardy aýlaý jáne joıý qaǵıdalaryn buzý jaǵdaıy kórsetilgen», - dep málim etti Qyzylorda oblystyq Polıtsııa departamentinen.
Oblystyq Polıtsııa departamenti jol-kólik oqıǵalarynyń aldyn alý maqsatynda jergilikti organdar belgilegen aýylsharýashylyq janýarlaryn jaıý qaǵıdasyn qatań saqtaýǵa shaqyrady.
Eske salsaq, budan buryn Qyzylorda oblysynda sıyrǵa soǵylǵan kólikte bir adam kóz jumyp, tórt adam jaraqattanǵanyn jazǵan bolatynbyz.