Qyzylorda oblysy múgedekterdi ońaltý baǵdarlamasyn júzege asyrýda ekinshi orynǵa kóterildi
Óńirde múgedektik sanatymen 31 myńǵa jýyq adam tirkelgen. Onyń 5 myńnan astamy - 18 jasqa tolmaǵan bala. Múmkindigi shekteli jandardyń eńbekke jaramdysy - 19 421, zeınetkerler - 6 088, jumys isteıtinder - 5 432.
Bıyl múgedektigi bar azamattardy ońaltýdyń tehnıkalyq quraly jáne qyzmetimen qamtamasyz etýge bıýdjetten 1,2 mlrd teńge baǵyttaldy. 12 shildedegi málimet boıynsha 19 147 ońaltýdyń jeke baǵdarlamasy daıarlanyp, ótken jyldyń esebinen aýyspaly 11 982 ońaltýdyń jeke baǵdarlamasy oryndaldy. Osylaısha atalǵan kórsetkish 62,6%-ǵa jetip, óńir respýblıka boıynsha ІІ orynǵa shyqty.
Al, áleýmettik qyzmetter portaly arqyly 9 588 múgedektigi bar adamdar ońaltýdyń jeke baǵdarlamasyna sáıkes tehnıkalyq ońaltý quralymen qamtylǵan. Jyl basynan beri 550 múgedektigi bar azamattar jumyspen qamtyldy.
«Ótken jyldyń qarasha aıynda oblysta 595 mekeme, kásiporyndardyń tizbesi naqtylanyp, múgedekterdi kvotaǵa sáıkes jumyspen qamtý maqsatynda oblys ákiminiń «Múmkindigi shekteýli azamattardy 2-4 paıyz mólsherinde kvota boıynsha jumyspen qamtý maqsatynda aqparattyq-túsindirme jumystaryn júrgizý jónindegi» is-sharalar jospary bekitilip, tıisti jumystar atqaryldy. Nátıjesinde 163 mekemege 344 múgedek adamdy eńbekpen qamtý belgilendi», - dedi oblystyq jumyspen qamtý jáne áleýmettik baǵdarlamalar basqarmasynyń basshysy Gaýhar Qalmaqova.
«Ózgerý joly: ár azamatqa laıyqty ómir» saılaýaldy baǵdarlamasyn oryndaý jónindegi Jol kartasyna sáıkes Qyzylorda oblysynda 2021-2025 jylǵa beıimdeýge jatatyn áleýmettik jáne kólik ınfraqurylymy obektileriniń josparly sany 1 294-i. Jarty jylda 2021 jylǵa josparlanǵan 258 obektiniń 163-nde beıimdeý jumysy júrgizilip, qalǵan 95 obektige beıimdeý jumysy qajet etiletindigi anyqtaldy.
Aıta ketsek, Qyzylorda oblysynda jol jelisin damytý jaqsara tústi.