Qyzylorda oblysy Mádenıet aýylynda ákim saılaýy ótip jatyr
Jergilikti turǵyndar aýyldyq okrýg ákimi bolýǵa úmitti kandıdattarǵa daýys berip, óz tańdaýyn jasaýda.
Tańǵy saǵat 07.00-de №144 saılaý ýchaskesi ashylyp, alǵashqy kelgen saılaýshylarǵa syılyq berildi.
«Otbasymyzben birge saılaýǵa qatysyp, aýyl ákimine kandıdat bolǵan azamatqa daýys berdik. Saılanatyn ákim aýylymyzdyń keleshegi úshin barlyq ıgilikti ister jasaıdy dep senemiz. Árbir turǵyn aýyldyń jańaryp, naýan kelbetiniń jarqyraǵanyn qalaıdy», - dedi aýyl turǵyny Erlan Janaev.
Aýyldyq okrýginiń ákimine 4 azamat úmitker boldy. Onyń barlyǵy da ózin-ózi usyný tártibimen naýqanǵa qatysýda.
Aıta ketsek, Mádenıet okrýginde 1102 saılaýshy tirkelgen.
Eske salaıyq, jyl basynan beri Qyzylorda óńirinde 16 aýyldyń ákimi saılandy.
Al, jyl sońyna deıin aımaqta josparly taǵy 9 aýyl ákiminiń saılaýy ótkiziledi.