Qyzylorda oblysy: eki jasar sábı sý toly aryqqa qulap ketti

QYZYLORDA. QazAqparat - Qyzylorda oblysynda eki jastaǵy sábı sý toly aryqqa qulap, kóz jumdy, dep habarlaıdy QazAqparat tilshisi.

Oqıǵa búgin, 16 mamyrda saǵat 13.45-te Jańaqorǵan aýdany Qandóz aýyldyq okrýginde boldy. Ata-anasynyń qaraýynsyz qalǵan 2019 jylǵy sábı sý júretin aryqqa qulap ketken.

«Búldirshinniń denesi ata-anasynyń kúshimen syrtqa shyǵaryldy», - dep málim etti oblystyq Órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.

Eske salsaq, buǵan deıin kólde katamarannan sýǵa qulap ketken jigittiń qaza tapqandyǵy habarlanǵan edi. Keleńsiz jaǵdaı Shıeli aýdanyna qarasty Báıgequm eldi mekeni tusyndaǵy Hanqoja kólinde boldy. 1997 jylǵy jigittiń denesin jergilikti turǵyndar jaǵaǵa shyǵardy. Ol aýrýhanaǵa barar jolda kóz jumdy.