Qyzylorda oblysy bas memlekettik sanıtarııalyq dárigeriniń qaýlysy shyqty

QYZYLORDA. QazAqparat - Qyzylorda oblysynda koronavırýs ınfektsııasyna baılanysty jaǵdaı kúrdelenip barady. Osyǵan baılanysty oblystyń bas memlekettik sanıtarııalyq dárigeriniń qaýlysy jarııalandy, dep habarlaıdy QazAqparat tilshisi.

Bıylǵy jylǵy 14 qańtarda jarııalanǵan qaýly negizinde birqatar mekemeler jumysyna tyıym salynsa, keıbirine shekteýler engizilgen.

Qaýlyǵa sáıkes «Ashyq» jobasyna qatysýyna qaramastan kontsert zaldarynyń, teatrlar, kınoteatrlar, fılarmonııalardyń jumysyna, dinı birlestikter obektileri men aýmaqtarynda (meshitter, shirkeýler, soborlar, sınagogalar jáne t. b.) buqaralyq is-sharalardy (juma namazy, dinı joralar jáne t. b.) ótkizýge tyıym salynǵan. Sondaı-aq, osyndaı talaptar konferentsııalardy, semınarlardy, kórmelerdi, forýmdardy ótkizýge (kózbe-kóz rejımde keńesterdi (otyrystardy) qashyqtyqtan ótkizý múmkindigi bolmaǵan jaǵdaıdy qospaǵanda), túngi klýbtarynyń jumysyna; qoǵamdyq tamaqtaný obektilerinde qyzmet kórsetýge, án aıtý jáne bı bıleý qyzmetin kórsetetin karaoke jumysyna (qoǵamdyq tamaqtaný qyzmetin qospaǵanda), jeke kezdesýlerdi ótkizýge (egilgen 10 adamǵa deıingi jaǵdaılardy qospaǵanda) qoıylyp otyr.

Qaýly 2022 jyldyń 17 qańtardan bastap kúshine enedi.

Al óńirde oblys jáne aýdan ortalyqtaryndaǵy mektepter 31 qańtarǵa deıin qashyqtan oqytý júıesine kóshirilse, aýyldyq mektepterde dástúrli formatta oqytý júıesi saqtalady. Joǵary oqý ornynda oqıtyn barlyq kýrs stýdentteri 6 aqpanǵa deıin qashyqtan oqytylady.

Aıta ketsek, ótken táýlikte oblysta 320 adam koronavırýs juqtyrý jaǵdaıy tirkeldi. Óńirlerdegi epıdemıologııalyq ahýaldy baǵalaý matrıtsasynda Qyzylorda oblysy «qyzyl» aımaqta tur.

Eske salsaq, budan buryn Qyzylordada koronavırýs juqtyrýdyń antırekordy tirkeldi.