Qyzylorda oblysy agrarshylarynyń QR Prezıdentine haty: Strategııa 2050 mindetteri AÓK-ti damytýǵa serpin berdi
hat joldady, dep habarlady Aqordanyń baspasóz qyzmeti. Óz hatynda avtorlar elimizdiń qarqyndy damýyn jáne «Qazaqstan-2050» strategııasynyń zor mańyzyn atap ótken. «Onda qoıylǵan mindetter agroónerkásip keshenine úlken serpin berdi. Bıyl Qyzylorda fermerleri kúrishtiń ár gektarynan 50 tsentnerden ónim jınap, táýelsizdik kezeńindegi rekordtyq kórsetkishke qol jetkizdi», - dep málimdeıdi dıqandar. Avtorlar óńirde aýyl sharýashylyǵy daqyldaryn ósirý isinde tamshylatyp sýarý sekildi zamanaýı agrotehnologııalar qoldanylýda ekenin, bul baǵyttaǵy jumystar ári qaraı da jalǵasyn tabatynyn aıtqan. Agrarlyqtar sondaı-aq oblystaǵy ózge salalardyń damýyna da nazar aýdaryp, kishi Araldyń deńgeıin kóterý arqasynda balyq ónimderiniń eksporty óskenine jáne onyń TMD ǵana emes, Eýropa elderine de eksporttalatynyna toqtalǵan. Sonymen qatar, avtorlar aýyl sharýashylyǵy óndirisin ári qaraı damytý úshin elimizde júzege asyrylyp jatqan kólik ınfraqurylymyn damytý jobalarynyń mańyzdylyǵyn atap ótken. Qazaqstannyń kólik áleýetin tıimdi paıdalaný maqsatynda salynyp jatqan «Batys Eýropa - Batys Qytaı» halyqaralyq kólik dálizi aýyl sharýashylyǵy ónimderin taıaý jáne alys shetelderge tasymaldaý múmkindikterin qamtamasyz etetindikten, salanyń damýyna tyń serpin beretin bolady», - delingen hatta. Sońynda hat avtorlary elimizdiń táýelsizdigin nyǵaıtýǵa jáne ony ári qaraı órkendetýge bar kúsh-jigerlerin jumsaıtyndaryn aıtqan.