Qyzylorda oblystyq QAJD basshysynyń orynbasary para alý ústinde ustaldy

QYZYLORDA. QazAqparat - Qyzylorda oblysy qylmystyq atqarý júıesi departamenti bastyǵynyń birinshi orynbasary, ádilet maıory para alyp jatqan jerinen ustaldy, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

«Sybaılas jemqorlyqqa qarsy qyzmet Qyzylorda oblysy boıynsha UQKD-men birlese otyryp, Qyzylorda oblysy qylmystyq atqarý júıesi departamenti bastyǵynyń birinshi orynbasary, ádilet maıoryn edáýir kólemde para alý ústinde ustady», - delingen habarlamada.

Baspasóz qyzmetiniń málimetinshe, ol ózine baǵynyshty adamnan qyzmeti boıynsha jalpy qamqorlyq úshin aıtarlyqtaı qomaqty somada para aldy degen kúdikke ilinip otyr.

Kúdikti ustalyp, Qyzylorda qalasyndaǵy ýaqytsha ustaý ızolıatoryna qamaldy. Tergeý amaldary jalǵasýda.

Onyń kinásiniń dárejesin anyqtaıtyn aqyrǵy sheshimdi sot qabyldaıdy.