Qyzylorda men Mańǵystaý oblystarynda aýa raıyna baılanysty eskertý jarııalandy

NUR-SULTAN. QazAqparat – Qyzylorda men Mańǵystaý oblystarynda qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.

14 mamyrda Mańǵystaý oblysynyń keı jerlerinde burshaq bolýy yqtımal. Kúndiz naızaǵaı jarqyldaıdy. Túnde jáne tańerteń keı jerlerde tuman kútiledi. Ońtústikten soǵatyn jel soltústik-batysqa aýysady, kúshi kúndiz keı jerlerde 15-20 m/s.

Erteń túnde jáne tańerteń Aqtaýda tuman túsedi. Tańerteń jáne kúndiz naızaǵaı jarqyldaıdy. Ońtústikten soǵatyn jel soltústik-batysqa aýysady, kúndiz ekpini 15-18 m/s jetedi.

14 mamyrda túnde Qyzylorda oblysynyń basym bóliginde jańbyr jaýady. Keı jerlerde burshaq jaýýy yqtımal. 14-16 mamyr aralyǵynda óńirdiń keı jerlerinde naızaǵaı jarqyldaıdy. Ońtústik-batystan, batystan jel soǵady, 14 mamyrda tańerteń jáne kúndiz, 15-16 mamyrda táýlik boıy jeldiń jyldamdyǵy 15-20 m/s jetedi.