Qyzylorda qalasynda kóktaıǵaq jol qatynasyn qıyndatty

QYZYLORDA. QazAqparat - Qyzylorda qalasynda aýa raıynyń qolaısyz bolýynan joldarda kóktaıǵaq bolyp jatyr, dep habarlaıdy QazAqparat tilshisi.

Osy maqsatta qala ákimdigi tarapynan tıisti is-sharalar atqarylýda.

«Kóktaıǵaqty boldyrmaý úshin kóshelerge qum aralasqan qospa sebilýde. Bul baǵytta «Qyzylorda Tazalyǵy» JShS-niń 32 birlik arnaıy tehnıkasy men 120 qyzmetkeri jumyldyryldy», - dep málim etti Qyzylorda qalasy ákimdiginen.

Qyzylorda qalalyq polıtsııa basqarmasy jergilikti turǵyndardan saqtyq sharalaryna nazar aýdarýyn suraıdy.

«Aýa raıy temperatýrasynyń tómendeýine jáne tolassyz jaýǵan jaýyn-shashynǵa (jańbyr, qar) baılanysty avtokólik tas joldarynda kóktaıǵaq bolýy yqtımal. Sondyqtan avtokólik júrgizýshileri men jaıaý júrginshilerge saq bolyp, barlyq qaýipsizdik sharalaryn saqtaýdy suraımyz», - dep málim etti Qyzylorda qalalyq Polıtsııa basqarmasynan.

Sondaı-aq, mundaı jaǵdaı oblystyń birqatar aımaǵynda baıqalýda. Osyǵan baılanysty oblystyq tótenshe jaǵdaılar departamenti tarapynan kóktaıǵaq saldarynan «Samara-Shymkent-Qamystybas-Amanótkel-Bógen», «Samara-Shymkent-Tereńózek» baǵyttarynda jol jabyq ekeni habarlandy.

Eske salsaq, budan buryn Qyzylorda oblysynda kóktaıǵaq saldarynan jol jabyldy.