Qyzylorda qalasynda qatty jelden kóp qabatty úıdegi balkonnyń shatyry ushyp ketti

QYZYLORDA. QazAqparat - Qyzylorda qalasynda qatty jeldiń áserinen kóp qabatty úıdegi balkonnyń shatyry ushyp ketti, dep habarlaıdy QazAqparat tilshisi.

Oqıǵa búgin, 29 naýryzda saǵat 11.40 shamasynda boldy. Qatty jeldiń saldarynan oblys ortalyǵyndaǵy Tıtov kentindegi Qoǵaly kóshesinde ornalasqan bes qabatty turǵyn úıdiń shatyry julyndy.

«Oqıǵa saldarynan turǵyn úı aldynda turǵan «Chevrolet Nexia» jeńil avtokóligi zaqymdanǵan. Zardap shekkender men qaza bolǵandar joq. Oqıǵa ornyna Tótenshe jaǵdaılar departamenti men Jergilikti polıtsııa qyzmeti basqarmasynyń qyzmetkerleri baryp, oqıǵanyń mán-jaıyn anyqtady», - dep málim etti Qyzylorda oblystyq tótenshe jaǵdaılar departamentinen.

Aıta ketsek, «Qazgıdromet» RMK málimeti boıynsha búgin oblysta ekpini sekýndyna 20 metr jel soǵyp tur.