Qyzylorda qalasynda alaıaqtyq deregi órship tur

QYZYLORDA. QazAqparat - Qyzylorda qalasynda bıyl alaıaqtyq boıynsha 527 is tirkelgen, dep habarlaıdy QazAqparat tilshisi.

Bul ótken jyldyń sáıkes kezeńimen salystyrǵanda 42 iske joǵary bolyp otyr. Áleýmettik jeli arqyly jasalǵan alaıaqtyq boıynsha 285 is óndiristik is qaralýda.

«Qazirgi ýaqytta eń kóp tirkelip jatqan alaıaqtyq qylmystar áleýmettik jeli arqyly jasalýda. Atap aıtqanda, aqshany eselep berý, azamattardyń derekterin paıdalanyp onlaın nesıe alý, «Kolesa», «Instagram», «OLH» jarnama paraqshalaryndaǵy jalǵan habarlandyrý arqyly saýda jasaý bolyp otyr», - dedi Qyzylorda qalalyq Polıtsııa basqarmasynyń krımınaldy polıtsııa bóliminiń bastyǵy, polıtsııa maıory Aıdarbek Qurbanov.

Sondaı-aq, «balańyzdy polıtsııa qyzmetkeri ustap tur, ony shyǵaryp alý úshin aqsha aýdarý kerek» degen qylmystardyń izin sýytpaı ashý baǵytynda jedel-profılaktıkalyq is-sharalar júrgizildi. Nátıjesinde basqarma qyzmetkerleri tarapynan osyndaı qylmysty jasaǵan 17 derekke qatysy bar degen kúdikti adam ustalyp, qamaýǵa alyndy. Olarǵa qatysty sotqa deıingi tergep-tekserý amaldary júrgizilýde.

Eske salsaq, budan buryn Qyzylordada adam pyshaqtaǵan jigit elordada ustaldy.