Qyzylorda qalasynda 4 myńǵa jýyq jumys orny ashyldy
Bıyl «Jumyspen qamtý jol kartasy» baǵdarlamasyna oraı Qyzylorda qalasyna 98 jobaǵa qarjy qaralǵan. Onyń ishinde negizgi basymdyq jol jóndeý jáne áleýmettik nysandardy jańǵyrtýǵa bólingen. Sol boıynsha qala turǵyndary úshin qosymsha 4523 jumys ornyn ashý kózdelgen. Búgingi tańda eńbekpen qamtylǵandar 80 paıyzǵa jetti.
Atalǵan baǵdarlama aıasynda «Lokomotıv» stadıony kúrdeli jóndeýden ótip jatyr. Búginde tozyǵy jetip, qaıta jańǵyrtýdy qajet etken stadıon ǵımaratyn jóndeýge tarazdyq «AgrospetsStroı» mekemesi jaýapty. Merdiger 33 adamdy eńbekpen qamtyǵan. Búginde stadıonda drenajdy sýarý júıesi salynýda. Sporttyq oryn qyrkúıek aıynda el ıgiligine aınalatyn bolady.
Sondaı-aq, bıyl I.Ábdikárimov atyndaǵy agrarly-tehnıkalyq joǵarǵy kolledjiniń ǵımaratyna aǵymdaǵy jóndeý jumystary júrgizilýde. Munda «Jumyspen qamtý jol kartasy» boıynsha 112 adam kásip kózin tapqan. Joba negizinde oqý ornynyń shatyry, terezesi aýystyrylyp, has beti árlenip, jylý qubyrlary jańalanady. Sonymen birge 5200 sharshy metrdi quraıtyn ǵımarat aýlasyna jańadan brýschatka tóseledi.
Sondaı-aq, Qyzylorda qalasynda jylý jelileriniń 60 paıyzy jańartylǵan.