Qyzylorda qalasyna qarasty aýyldarda áleýmettik máseleler sheshildi
Oblys ortalyǵyna irgeles jatqan Aqsýat aýyldyq okrýginde atalǵan baǵdarlamasy aıasynda birqatar mańyzdy jobalar qoldaý tapqan. Solardyń biri - №143 orta mektepti kúrdeli jóndeý jumystary. Bilim oshaǵynyń ǵımaraty 1982 jyly salynǵan. Qyryq jylǵa jýyq ýaqyttan keıin mektep ǵımaratyn jańǵyrtý sharasyna mán berildi. Búginde qurylys tolyǵymen aıaqtaldy.
Bıyl okrýgtegi 16 kóshe ortasha jóndeýden ótti. Olardyń 7-ne asfalt salynyp, qalǵanyna qıyrshyq tas tóseledi. Únemdelgen qarjy esebinen jyl sońyna deıin taǵy 5 kóshege ortasha jóndeý júrgizilmek. Bul tirlikterge aýyldyń 40 azamaty eńbekpen qamtylǵan. Aýylda baǵdarsham, jaryq baǵanalary ornatylyp, jaıaý júrginshi joldaryna qajetti qurylys zattaryn tıimdi paıdalanyldy. Ortalyq kóshelerge brýschatkalar men bordıýrlap paıdalanylyp, sol arqyly trotýar salynǵan.
Al Aqjarma aýyldyq okrýginde bıyl «Jumyspen qamtý jol kartasy» memlekettik baǵdarlama aıasynda «Oblystyq narkologııa ortalyǵyna» qarasty medıtsınalyq bólimshe jańǵyrtylýda. Bólimshe ǵımaraty 1983 jyly salynǵan. Jóndeý jumystaryn «Bolashaq Interneıshn Development» JShS atqarýda. Qazir qaıta jańǵyrtý 60 paıyzǵa oryndalǵan. Merdiger kompanııa jóndeýdi jeltoqsan aıyna deıin tolyǵymen aıaqtaýdy mejelep otyr.
Aýyldyq okrýgke qarasty Taldyaral eldi mekeninde jol máselesi tolyǵymen sheshilgen. Bıyl aýylda aýyz sý men káriz qubyrlary da tolyǵymen jańartyldy. Al 900-ge tarta turǵyny bar Taldyaralda jańadan qonystanýshylarǵa jer berý qarqyndy júrgizilýde. Qazir 200-den asa jer telimi ashylyp, qıyrshyq tas tóselip, aýyz sý qubyry tartylǵan. Endigi kezekte jaryq júıesin jetkizý máselesi tur.
Sondaı-aq, Qyzylordada «Dárigerler alleıasy» ashylady.