Qyzylaǵash sý qoımasynyń qurylysy bıyl aıaqtalady
«Almaty oblysynyń sý sharýashylyǵy nysandarynyń jumysymen tanystym. «Jumyspen qamtýdyń jol kartasyn« iske asyrý aıasynda bul óńirde Kóksý toǵanyn, Qaratal bógenin, Úsek ózenindegi sý sharýashylyǵyn qaıta salý, Taldyqorǵanǵa jaqyn jerdegi ırrıgatsııalyq júıeni qaıta qalpyna keltirý boıynsha 4 joba iske asyrylady», - dep jazdy M.Myrzaǵalıev óziniń Twitter paraqshasynda.
«Bul jobalar boıynsha jumys bastalyp ketti. Olardyń iske asyrylýy apattyq jaǵdaıdaǵy nysandardy qalpyna keltirýge, óńirdi sýmen qamtamasyz etýge, sýarmaly jerlerdi kóbeıtýge jol ashyp, nysandy qalpyna keltirý men aýyl sharýashylyǵynda eńbek etken halyqty jumyspen qamtýǵa múmkindik beredi», - dep atap ótti mınıstr.
Budan basqa, Ekologııa mınıstrligi basshysy Qyzylaǵash sý qoımasyn qalpyna keltirý jumystarymen tanysty.
«Sonymen qatar Aqsý aýdanyndaǵy Qyzylaǵash sý qoımasyn qalpyna keltirý barysymen tanysyp, jumys sapasyna kóz jetkizdim. Bul joba aýdandy sýmen qamtamasyz etýde, aýyl sharýashylyǵyn damytýda mańyzdy. Qalpyna keltirý jumysynyń 90%-y oryndaldy. Bıyl sý qoımasy paıdalanýǵa tapsyrylady», - deıdi M.Myrzaǵalıev.