Qyzyl jarty aı qoǵamy sý tasqynynan qorǵaný jóninde keńes berdi

NUR-SULTAN. QazAqparat - Qazaqstannyń Qyzyl jarty aı qoǵamynyń TJ departamentiniń dırektory Olga Kım sý tasqyny jaǵdaıynda ne isteý qajettigi týraly keńes berdi, dep habarlaıdy QazAqparat tilshisi.

«Sý tasqyny qaýpi bar óńir turǵyndary jaǵdaıdy baǵamdap, úı aýmaǵyn qardan tazartýy tıis. Sý aǵatyn aryqty qoqystan, muzdan, qardan tazartqan jón. Sý aıdaıtyn sorǵy, shelek, kúrek, qapshyqtardy ázirleý kerek. Sý tasqyny qaýpin baıqasańyz, eń aldymen 112 nómirine habarlasyńyz», - dedi O. Kım Ortalyq kommýnıkatsııalar qyzmetinde ótken brıfıngte.

Onyń aıtýynsha, sý tasqyny qaýpi barda «dabyl sómkesi» daıyn turýy qajet.

«Bul sómkede negizgi mańyzdy qujattar, alǵashqy kómek quraldary jáne dári-dármek bolýy kerek. Aýyz sý men azyq-túlik alynýy kerek. Jertólede jatqan azyq-túlik qoryn aldyn ala shyǵaryńyzdar. Qundy buıymdardy úıdiń joǵarǵy bóligine qoıýǵa tyrysyńyz. Úı ishine sý ketkende elektrdi, gazdy jáne jylytý peshterin óshirý qajet», - dedi O. Kım.

Buǵan deıin QR Іshki ister mınıstriniń orynbasary ıÝrıı Ilın sý tasqynynyń aldyn alý jumystary jóninde aıtyp berdi.

Sonymen birge, kóktemgi sý tasqynynan zardap shekken turǵyndarǵa 30 myń teńgeden beriletini týraly habarlanǵan edi.