«Qyzyl» statýspen dámhanaǵa barǵan astanalyq 87,5 myń teńge aıyppul tóledi

NUR-SULTAN. QazAqparat – Elorda turǵynyna «qyzyl» tústi mártebemen dámhanaǵa barǵany úshin aıyppul salyndy, dep habarlaıdy QazAqparat Nur-Sultan qalasy ákimdiginiń resıı saıtyna silteme jasap.

Úıde oqshaýlaný rejımin buzǵany úshin oǵan QR ÁQBtK-niń 425-baby, 1-bóligi boıynsha ákimshilik jaýapkershilikti kózdeıtin hattama toltyryldy. Onyń sanktsııasynda 87 510 teńge (30 AEK) aıyppul qarastyrylǵan.

Aıta keteıik, bıylǵy jyldyń 5 sáýirinen bastap Ashyq jobasyna qatysatyn bıznes nysandarynda úı karantınin buzǵan 4039 kelýshi anyqtaldy. Onyń ishinde 1888 adamda «qyzyl» tústi mártebe (koronavırýspen aýyratyndar), 2151 adamda «sary» tústi (naýqaspen jaqyn baılanysta bolǵandar) mártebe bolǵan. Onyń ishinde, 11-27 maýsym aralyǵynda úı karantınin buzǵan 491 kelýshi anyqtaldy (247 kelýshiniń – «qyzyl» tústi, 244 kelýshiniń – «sary» tústi mártebesi bar).