Qyzyl kitapqa engen Túrkistan sileýsini fototuzaqqa túsip qaldy

NUR-SULTAN. QazAqparat - Bul jaıynda Orman sharýashylyǵy jáne janýarlar dúnıesi komıteti málim etti, dep habarlaıdy QazAqparat.

Qazaqstan Respýblıkasynyń Qyzyl kitabyna engen Túrkistan sileýsini Almaty qoryǵynda ornatylǵan fototuzaqqa ilindi.

Jyrtqysh sútqorekti Ortalyq Azııada ǵana kezdesedi.

Qoryq aýmaǵynda teńiz deńgeıinen 1200 – 2800 metr bıiktikte, aralas jáne qylqan japyraqty ormanda meken etedi.

Atalmysh terrıtorııada shamamen 16 sileýsin bar.

Olar jarty jyldyń ishinde (2021 jyldyń jeltoqsanynan 2022 jyldyń mamyr aıyna deıingi aralyqta) 11 ret fototuzaqqa túsken.