«Qyzyl» aımaqtaǵy Shymkentte demalys kúni bazar jumys istep turǵan

ShYMKENT. QazAqparat - Shymkenttik polıtseıler karantın talabyn saqtamaǵan bazardy anyqtady, dep habarlaıdy QazAqparat.

Elimizdegi koronavırýsqa baılanysty Shymkent qalasy polıtsııa departamenti Eńbekshi aýdany polıtsııa basqarmasynyń qyzmetkerleri aýdan aýmaǵynda ornalasqan kafe-meıramhanalarǵa, oıynhana klýbtaryna tekserý júrgizdi.

23 sáýir kúni saǵat 16:27 kezinde Shymkent qalasy Jibek joly kóshesi 39/4 úıde ornalasqan «Kóktem» bazaryna monıtorıng júrgizildi.

Onyń barysynda karantındi saqtamaı dúken qyzmetkeriniń kelýshilerdi qabyldap, jumys jasap jatqany jáne qyzmetkerleri bir rettik betperdeni múldem taqpaǵany anyqtaldy.

Kelýshilerdiń dene qyzýyn ólsheıtin qural, dız-kilemshe jáne antıseptık bolmaǵan.

Anyqtalǵan derekterge qatysty jınaqtalǵan materıaldar shara qabyldaý úshin Eńbekshi aýdany boıynsha taýarlar men kórsetiletin qyzmetter sapasynyń qaýipsizdigin baqylaý basqarmasyna is-qujattar joldanyp, túsinikteme alyndy.

Osyǵan oraı, polıtsııa qyzmetkerleri quqyq qorǵaý organdarynyń is-áreketine túsinistikpen qaraýdy jáne karantın kezinde azamattardyń qaýipsizdigin saqtaýǵa nazar aýdarýdy suraıdy.