«Qyzyl» aımaqtaǵy Qostanaı oblysynda búkil oqýshylar qashyqtan oqıdy

QOSTANAI. QazAqparat – Oblys ákimi Arhımed Muhambetov KVI-diń taralýyna jol bermeý boıynsha jedel shtabtyń kezekti otyrysyn ótkizdi, dep habarlaıdy QazAqparat tilshisi.

Shtab otyrysynda Qostanaı jáne Rýdnyı qalalarynyń ákimderi indettiń taralýy boıynsha qazirgi ahýaldy baıandady. Sondaı-aq monıtorıng toptarynyń jumysy talqylandy.

«Monıtorıng toptary 2021 jylǵy 1-23 qańtar aralyǵynda 1330 reıd ótkizip, 113 zańbuzýshylyq tirkeldi. Ókinishke qaraı óńirde tek sońǵy kúnderi indettiń taralýy órshidi. Aýyrǵandar sany - 2,6 ese, táýligine 67-den 177 adamǵa deıin ósti. Syrqattanýdyń úlken ósimin eskere otyryp, qoldanystaǵy shekteý sharalarynan basqa, qosymsha shekteýler engiziledi» delingen oblys ákiminiń baspasóz qyzmeti taratqan habarlamada.

Sonymen óńirlik jedel shtab bilim salasyna qatysty shekteý sharalaryn engizdi.

Oblys mektepteri ekinshi toqsanǵa uqsas oqytý formatyna kóshiriledi.

Al 5-9 jáne 11 synyp oqýshylary qashyqtan bilim alady.

Arhımed Muhambetovtiń aıtýynsha, aqpan aıynda koronavırýsqa qarsy vaktsınalaý bastalady.

Qazir reseılik vaktsınany qabyldaý boıynsha daıyndyq jumystary belsendi júrgizilýde.

«Tájirıbe kórsetkendeı, vaktsınatsııa vırýstyq ınfektsııalardyń aldyn alý jáne baqylaýdyń eń tıimdi ádisi bolyp otyr. Oblys turǵyndaryn epıdemıologııalyq jaǵdaıdyń kúrdelenýine jáne koronavırýstyq ınfektsııanyń ósýine baılanysty saqtyq sharalaryn kúsheıtýge shaqyramyn. KVI taralýyna jol bermeý boıynsha barlyq erejeler men engizilgen shekteýlerdi saqtaýdy suraımyn», - dedi aımaq ákimi.