«Qyzyl» aımaqqa engen Almatyda meshitter men shirkeýler qalaı jumys isteıdi
Óńirlik kommýnıkatsııalar qyzmeti alańynda ótken brıfıngte Almaty qalasy din isteri basqarmasy basshysynyń orynbasary Erǵalı Kósheke men Almaty qalasynyń bas ımamy Erkinbek Shoqaı Almaty qalasynyń «qyzyl» aımaqqa kirýine baılanysty, shaharda dinı nysandardyń qalaı jumys isteıtinin aıtyp berdi.
Ǵıbadat jasaıtyn ǵımarattarda áleýmettik qashyqtyq (keminde 2 metr) jáne basqa da sanıtarlyq normalar: maskalyq rejım, dezınfektsııa jáne t.b. qatań saqtaı otyryp, tek «jeke qulshylyq etý» rásimderi (ujymdyq emes: juma namazy, jeksenbilik qyzmetter jáne t. b.) ótkizýge ruqsat etiletini aıtyldy.
Sondaı-aq, dinı birlestikterdiń basshylyǵy, dinı rásimderdi ótkizý úshin sanıtarlyq normalarǵa sáıkes, barlyq jaǵdaılardy qamtamasyz etý jóninde tıisti sharalar qabyldaýy qajet.
ıAǵnı, ǵımaratqa kelýshilerdiń temperatýrasyn ólsheý, betperdesiz azamattardy kirgizbeý, dinı birlestikter aýmaǵynda 2 metrden kem emes aralyqta arnaıy jazylǵan belgiler jasaý, irgeles aýmaqty taza ustaý shart.
«Qalamyzdyń dinı birlestikteriniń basshylary men dindar jamaǵattan osy ýaqytsha shekteýlerge túsinistikpen qaraýlaryn suraımyn. Biz mundaı shekteýlerge birinshi ret tap bolyp otyrǵan joqpyz, bárimiz bul qıyndyqty birlese otyryp jeńemiz dep senemin. Sondaı-aq, Din isteri basqarmasynyń qyzmetkerleri SES jáne quqyq qorǵaý organdarynyń qyzmetkerlerimen birlesip, qalanyń dinı ǵımarattarynda sanıtarlyq normalardyń saqtalýyna monıtorıng júrgizetinin atap ótkim keledi», - dedi Almaty qalasy din isteri basqarmasy basshysynyń orynbasary Erǵalı Kósheke.
Esterińizge sala keteıik, 2021 jyldyń 10 naýryzynan bastap Almaty qalasy koronavırýstyń taralý qarqyny boıynsha «qyzyl aımaqta» tur.
Osyǵan baılanysty, Almaty qalasynyń bas memlekettik sanıtar dárigeri jańa qaýly shyǵardy.
Ol osy jyldyń 13 naýryzynan bastap kúshine enedi.