«Qyzyqty siltemege» kirgen qazaqstandyqtardyń jeke derekteri urlanady

NUR-SULTAN. QazAqparat – Qazaqstandyqtar Huawei kompanııasynan uıaly telefon jáne basqa da gadjetter utyp alýǵa bolatyny jaıly málimet bar delingen siltememen bólisýde. Shyn máninde, óndirýshi qazir mundaı lotereıalar utysyn ótkizip jatqan joq, al utysqa qatysýǵa shaqyratyn saıt fıshıngtik bolyp tabylady, dep jazady stopfake.kz.

«Huawei kompanııasynyń resmı ınternet-portalynda jańa jyldyq utys týraly jazylmaǵan. Sonymen qatar, qymbat syılyqtar oınatylatyn platforma resmı emes jáne óndirýshi kompanııaǵa eshqandaı qatysy joq» delingen habarlamada.

Alaıaqtardyń qurbany bolǵan jeli qoldanýshylary silteme boıynsha ótý qaýipti ekenin eskertedi.

«Eger silteme poshta nemese What’sApp arqyly kelse — ony bólispeńiz! Árıne, adamdar ony jaqsy nıetpen jiberedi, biraq saıttyń maqsaty – sizdiń derekterińizdi urlaý», – dep jazady olar.

Fıshıngtik saıttardy jeke akkaýnttarǵa, tólem derekterine, aqyly qosymshalar men platformalardan logınder men parolderge qol jetkizý úshin jasaıdy. Fıshıngtiń kómegimen alaıaqtar adamdardyń kompıýterlerin nemese basqa qurylǵylaryn tolyǵymen basqara alady.

Buǵan deıin StopFake.kz alaıaqtardyń paıdalanýshylardy aldaý úshin tanymal brendterdi qoldanatyndyǵy týraly jazǵan bolatyn.