Qyzmettik kólikten taksıge aýysatyn Áset Isekeshevtiń júrgizýshisi kim bolady

ASTANA. QazAqparat - Astana ákimdiginiń sheneýnikteri osy jyldyń qyrkúıek aıynan bastap biryńǵaı taksıge minetinin osyǵan deıin habarlaǵan bolatynbyz. Al kóppen birge taksıge otyratyn qala ákiminiń Áset Isekeshevtiń júrgizýshisi kim bolady? Bul suraqqa elorda ákimdiginiń baspasóz ortalyǵynda ótken brıfıngte Astana qalalyq ortany regeneratsııalaý basqarmasynyń basshysy Ǵanı Isqalıev jaýap berdi, dep habarlaıdy QazAqparat tilshisi.

«Ákim jalǵa alý quqyǵy boıynsha taksı qyzmetin paıdalanatyn bolady. Bul - belgili bir kólik nemese júrgizýshi. Taksopark ol kólikti nemese júrgizýshini aýystyra alady. Bálkim, basqalardan góri, ákimdi alyp júretin júrgizýshige qoıylatyn talap qatań bolýy múmkin. Qaýipsizdik týraly suraıtyn bolsańyzdar, ákimniń júrgizýshisine beriletin arnaıy artyqshylyqtar nemese attestattaý, testileý joq. Ol da - qarapaıym taksı júrgizýshisi. Ákim demalyp jatqanda ol júrgizýshi basqa da taksıster sekildi basqa uıymdar úshin jumysyn jalǵastyra beredi», - dedi Ǵanı Isqalıev. 

Eske sala ketsek, buǵan deıin astanalyq ákimdiktiń 2018 jyldan bastap, taksı qoldaný boıynsha pılottyq jobaǵa aýysatyny habarlanǵan edi. Osy jyldyń qyrkúıek aıynda qala ákimdigi qyzmettik kólikterden bas tartqaly otyr.