Qyzmettik kólikten bas tartqan Astana ákimdigi qansha qarajat únemdeıdi
19:18, 27 Tamyz 2018
ASTANA. QazAqparat - Astana qalasynyń ákimi Áset Isekeshev qyzmettik avtokólikterden bas tartqan ákimdiktiń qansha qarajat únemdeıtinin aıtyp berdi, dep habarlaıdy QazAqparat tilshisi.
«Biz qyzmettik kólikti qoldaný ustanymyn qaıta qaradyq. Osylaısha, avtokólik alý men garaj ustaýdan bas tarttyq. Kóliktik qyzmetterdi naryqtan satyp alamyz. Osy arqyly bes jylda 1 mlrd teńgeden astam qarajat únemdeımiz», - dedi Isekeshev «iKomek» qalalyq monıtorıng jáne jedel áreket etý ortalyǵynda ótken jınalysta.
Buǵan deıin astanalyq ákimdiktiń 2018 jyldan bastap, taksı qoldaný boıynsha pılottyq jobaǵa aýysatyny habarlanǵan edi.