Qyzmettesin urǵan áskerı qyzmetshi 4 jylǵa sottaldy

ASTANA. QazAqparat - Aqtaý garnızonynyń áskerı soty qyzmettesin oryndyqpen urǵan áskerı qyzmetshige úkim shyǵardy, dep habarlaıdy QazAqparat tilshisi QR Áskerı sotynyń baspasóz qyzmetine silteme jasap.

«Sottalýshy QR QK 440-baby 3-bóliginiń 3-tarmaǵymen aıypty dep tanyldy. Baptyń erejelerine sáıkes, oǵan 4 jyl merzimge bas bostandyǵynan aıyrý jazasy belgilendi. QR QK 63-babyna sáıkes, jaza oǵan shartty túrde berildi», - dep málimdedi baspasóz qyzmetiniń ókilderi.

Sot materıaldaryna qaraǵanda, tóbeleske buryn bolǵan daý sebep bolǵan. Sottalýshy zardap shegýshiniń syrtynan ótip bara jatqanda basyna aǵashtan jasalǵan oryndyqpen urǵan, sodan keıin judyryqpen ura bastaǵan. Soqqynyń bári jábirlenýshiniń basyna tıgen. Sonyń saldarynan ol Mańǵystaý oblystyq aýrýhanasynyń jan saqtaý bólimine túsken.

Sot úkimi zańdy kúshine engen joq.