Qyzmetkerlerine artyq jumys istetken memorgan basshylary jazalandy

ASTANA. QazAqparat - Birqatar ortalyq jáne óńirlik memorgan basshylary qyzmetkerleriniń negizsiz artyq jumys istegeni úshin jaýapkershilikke tartyldy, dep habarlaıdy QazAqparat tilshisi.

Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttigi Memlekettik qyzmet salasyndaǵy baqylaý departamentiniń dırektory Ravıl Tıýlıbaev málimdedi.

«Eńbek ınspektsııasy júrgizgen tekserý qorytyndysy boıynsha, birqatar ortalyq jáne óńirlik memorgan basshylary qaramaǵyndaǵy qyzmetkerlerdiń negizsiz artyq jumys istegeni úshin jaýapkershilikke tartyldy. Ázirge olarǵa Eńbek zańnamasynyń 89-baby boıynsha, eskertý jarııalandy», - dedi Ravıl Tıýlıbaev Astanada ótken baspasóz máslıhatynda.

Onyń aıtýynsha, belgilengen ýaqyttan artyq jumys istegen memlekettik qyzmetshiler Bilim jáne ǵylym, Mádenıet jáne sport, Ádilet, Densaýlyq saqtaý jáne Qoǵamdyq damý mınıstrlikterinde kóp tirkelgen.

«Óńirlerge kelsek, Almaty, Batys Qazaqstan, Qostanaı oblystary men Astana, Almaty qalalarynda ereje buzylǵan», - dedi departament basshysy.