Qyzmetkerlerin Jumyspen qamtý ortalyqtary arqyly jumysqa qaıta qabyldap, sýbsıdııa alyp kelgen kásiporyndar áshkerelendi
Tekserý barysynda jergilikti atqarýshy organdardyń «Jumyspen qamtýdyń jol kartasy 2020» baǵdarlamasyn (budan ári - baǵdarlama) oryndaly, sondaı-aq sheteldik jumys kúshin tartýǵa ruqsattar berýdiń zańdylyǵy qamtyldy.
Tekserýler kóptegen jaǵdaıda jergilikti atqarýshy organdardyń buzýshylyqtarǵa jol berýine olardyń baǵdarlamany iske asyrýǵa nemquraıly qaraýy sebep bolyp tabylatynyn kórsetti.
Qazaqstandyq mamandardy jalǵan oqytýdyń 120-dan astam faktisi anyqtaldy, bul olardyń biliktiliginiń óte tómen bolýyna, eńbek naryǵynda básekege qabiletsizdigine sebep bolyp tabylady.
Іshinara tekserýler barysynda prokýrorlar baǵdarlamaǵa is júzinde nysanaly toptarǵa jatpaıtyn jáne shynaıy emes málimetter usynǵan 400-den astam qatysýshyny anyqtady.
Oqytý, jumysqa ornalasýǵa jáne jumyspen qamtý organdaryna ótinish bergenderdi ornalastyrýǵa járdemdesý jumys kúshine qajettilikti shynaıy esepke almaı júzege asyrylady, bul júrgiziletin oqýdyń tıimsizdigine jáne oqýdan ótken mamandardyń talap etilmeýine ákep soǵady.
Jumys berýshilerdiń áleýmettik jumys oryndaryna ózderiniń jumys istep júrgen qyzmetkerlerin aýystyryp, sol arqyly memleketten zańsyz sýbsıdııalar alý faktileri anyqtaldy (qyzmetkerlerdi jumystan bosatyp, olardy Jumyspen qamtý ortalyqtary arqyly jumysqa qaıta qabyldaǵan 218 fakt oryn alǵan).
Ýákiletti organdardyń bul baǵyttaǵy jumysyn baǵalaı kele, olardyń kóbinese Sheteldik qyzmetkerge jumysqa ornalasýyna jáne jumys berýshilerge shetel jumys kúshin tartýǵa ruqsattar berý qaǵıdalary men sharttaryn saqtamaıtynyn aıta ketken jón.
Birqatar kompanııalardyń shetel jumys kúshin jalǵan qujatar arqyly alý, jumys berýshilerdiń Qazaqstan azamattary úshin jańa jumys oryndaryn ashý, olardy qaıta daıyndaý jáne oqytý bóligindegi ruqsat berýdiń sharttaryn oryndamaý, sondaı-aq jergilikti atqarýshy organdar tarapynan tıisti baqylaýdyń bolmaýy faktileri anyqtaldy.
Naqty baqylaýdyń bolmaýy sheteldik kásiporyndardyń, sondaı-aq sheteldik jumys kúshin tartatyn kompanııalardyń qazaqstandyq qyzmetkerlerdiń quqyqtaryn buzyp qana qoımaı, olarǵa qatysty tikeleı kemsitýshilikke jol berýlerine ákep soqtyrǵan.
Mysaly, prokýrorlar birtektes jumys úshin sheteldik jumysshylardyń paıdasyna ártúrli eńbekaqyny bekitý, sondaı-aq bir kásiporynda sheteldik áriptesterine qaraǵanda qazaqstandyq jumysshylardyń nashar eńbek jaǵdaıynda jumys jasaý faktilerin anyqtady.
Sonymen qatar, eńbek ımmıgranttaryna ruqsat berý, merzimin uzartý jáne keri qaıtaryp alý, sondaı-aq eńbek ımmıgranttaryn tirkeý, dakto jáne fotoesebin qalyptastyrý men júrgizý qaǵıdalaryn (Qazaqstan Respýblıkasy Іshki ister mınıstriniń 08.02.2014 jylǵy №76 buıryǵymen bekitilgen) saqtamaýdyń 1,4 myń faktisi anyqtaldy.
Atap aıtqanda, ımmıgranttardyń ruqsatta kórsetilgen meken-jaıda turmaý, olardyń kórsetken jerde jumys istemeýiniń 113 faktisi anyqtaldy, ol nátıjesinde ishki eńbek naryǵyna teris áserin tıgizedi.
Barlyq anyqtalǵan zań buzýshylyqtar boıynsha kináli laýazymdy tulǵalar jáne josyqsyz jumys berýshiler zańmen belgilengen jaýapkershilikke tartyldy.
Jalpy júrgizilgen tekserýler nátıjeleri boıynsha prokýrorlar ártúrli memlekettik organdardyń atyna barlyǵy 171 prokýrorlyq yqpal etý aktisin engizdi, 52 fakt boıynsha sotqa deıingi tergep-tekserý júrgizilýde, sheteldikterdi jumysqa tartýǵa berilgen 2 924 ruqsatty keri qaıtaryp aldy ne keri qaıtaryp alý boıynsha sharalar qabyldaýda, 45,3 mln. teńgeni bıýdjetke qaıtarý týraly másele kóterildi.
Sonymen qatar, Bas prokýratýra Qazaqstan Respýblıkasy Úkimetiniń atyna zań buzýshylyqtardy, olarǵa jaǵdaı jasaıtyn sebepter men sharttardy joıý, sondaı-aq ishki eńbek naryǵyn qorǵaýǵa baǵyttalǵan baǵdarlamalardy iske asyrýdy jappaı qaıta qaraý týraly usynys engizdi.