Qyzmetinen ketken ákim orynbasary almatylyqtarǵa úndeý jasady

ALMATY. QazAqparat - Almaty ákiminiń orynbasary Saparbek Tuıaqbaev qyzmetinen ketti. Bul týraly sheneýnik Facebook paraqshasynda jazdy, dep habarlaıdy QazAqparat tilshisi.

Ol bul qyzmette 1 jyldan asa otyrǵan.

«Áleýmettik sala men kásipkerlikti damytý salasynda júrgende óz isiniń mamandarymen, kásibı sheberlerimen birge jumys istedim. Eń aldymen osy qalanyń turǵyndaryna erekshe azamattyq jaýapkershiligi úshin, belsendiligi úshin alǵys bildirgim keledi. Sizderdiń kómekterińizben ıpoteka alýshylardy qoldaý baǵdarlamasyn qabyldap, júzege asyrý múmkin boldy», - dedi ol.

Ol, sondaı-aq, eriktiler, farmatsevtıkalyq kompanııalar basshylaryna, qala basshylyǵyna alǵys aıtty.

«Osy salada jınaǵan tájirıbem bızneste ósýime septigin tıgizedi degen úmittemin», - dedi ol.

Eske salsaq, buǵan deıin Almaty ákiminiń jańa orynbasary taǵaıyndalǵany týraly habarlaǵan bolatynbyz.