Qyzmetin qosa atqaratyn elshilerdiń qyzmetin uıymdastyrý qaǵıdalary bekitildi

ASTANA. QazAqparat - Qyzmetin qosa atqaratyn Qazaqstan Respýblıkasynyń tótenshe jáne ókiletti elshileriniń jáne ornalasqan jeri Qazaqstan Respýblıkasynda bolatyn Qazaqstan Respýblıkasynyń tótenshe jáne ókiletti elshileriniń qyzmetin uıymdastyrý qaǵıdalary bekitildi. Bul týraly Aqordanyń baspasóz qyzmeti habarlaıdy.

Qyzmetin qosa atqaratyn Qazaqstan Respýblıkasynyń tótenshe jáne ókiletti elshileriniń jáne ornalasqan jeri Qazaqstan Respýblıkasynda bolatyn Qazaqstan Respýblıkasynyń tótenshe jáne ókiletti elshileriniń qyzmetin uıymdastyrý qaǵıdalaryn bekitý týraly

«Qazaqstan Respýblıkasynyń dıplomatııalyq qyzmeti týraly» 2002 jylǵy 7 naýryzdaǵy Qazaqstan Respýblıkasy Zańynyń 9-babynyń 2-tarmaǵyna sáıkes QAÝLY ETEMІN:

1. Qosa berilip otyrǵan Qyzmetin qosa atqaratyn Qazaqstan Respýblıkasynyń tótenshe jáne ókiletti elshileriniń jáne ornalasqan jeri Qazaqstan Respýblıkasynda bolatyn Qazaqstan Respýblıkasynyń tótenshe jáne ókiletti elshileriniń qyzmetin uıymdastyrý qaǵıdalary bekitilsin.

2. Osy Jarlyq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

 

Qazaqstan Respýblıkasynyń

             Prezıdenti                                                                       N.Nazarbaev

 

Astana, Aqorda, 2017 jylǵy 24 qarasha

 

                  №  589